ازاى ابقى روش وربنا يحبنى؟؟؟

-معني الروشنة......

الروشنة كلمة اخترعها الشباب من اجل التعبير عن مرادف كلمات مثل فهلوة,خربشة,صياعة.....فهي كلمة شاملة كل الكلمات و المرادفات السابق ذكرها....
و هي أسلوب معين في الحياة سواء كان اجتماعي أو ثقافي و أيضا من حيث المظهر وأسلوب التحدث مع الناس .
أزاي ابقي روش و عصري من غير معصي ربنا؟؟
بعض الشباب فاكر إن الروشنة هي خروج عن المألوف و أدب اللياقة و البعد عن الدين و هذا خطأ و لكن أيه الصحيح ؟؟؟
هقولك اللي في رأيي و لا يضرك من أي وعاء خرجت...

1-امشي ع الموضة و لكن.....
اختار اللي يناسبك و يناسب شخصيتك و مركزك في المجتمع و سنك و بيئتك و الأهم هو ما يناسب دينكو حاول ميكنش ملفت للنظر و هديلكوا مثال: بعض الشباب بيسقط البنطلون لحد ميبان الأندر وير و هذا بالنسبة له روشنة وبل يشعر بالفخر .

2-حاول تكون اجتماعي بس بحذر..
اللي أنت تكون عارف ناس كتير حاجة ونوعية الناس اللي أنت عارفهم حاجة تانية ...
فيقول ابن خلدون مؤسس علم الاجتماع:"و اعلم إن انبساطك للناس يكسبك صديق السوء ,و أن انقباضك عنهم يكسبك العداوة و سوء الأصدقاء اشد من بغض الأعداء".
باختصار تكون وسط و حاول ان تظهر شخصيتك ببساطة و على طبيعتك.
3-اعلم ان لكل مقام مقال.
بمعنى انك تنتقي أسلوب حوارك مع الآخرين على حسب مكانته الأجتماعية و لأسلوب تفكيره و شخصيته و سنه.
فعندما تكلم أبوك وأمك غير لما تكلم صاحبك أو زميلتك.
و انتقي ألفاظك و عديها على فلتر عقلك.
4-صاحب بنات و لكن.....
لما أقولك صاحب بنات مش اصدي اللي جيه في بالك دلوقتي,فمصاحبة البنات مهمة جدا لأنك لما تكبر و تشتغل لابد من المعاملة معاهم في سوق العمل فيجب ان تعرف أزاي تتعامل معهم و انا هقولك أزاي؟؟؟؟؟؟
لازم تخاف عليها و تعتبرها زي أختك, فلا ترضي ان يطلع من فمك كلمة تسيء اليها, و لا ترضى ان يسيء إليها احد , و تعاملها برجولة و بأدب و تحفظ و فكر في كل كلمة ممكن تتطلع من فمك حتى لا تفهمها غلط.
و حاولوا تتبادلوا الأفكار و تتعاونوا علي الدراسة و البحث العلمي و المناقشة المتحضرة.
و أخيرا اعلم انك كما تدين تدان.
4-حاول تكون دمك خفيف.
خفة الدم دي هبة من الله , و لكن عايز تبقي دمك خفيف خليك على طبيعتك و لا تتكلف خفة الدم و بالبلدي متزتزرفش
و حاول ان تكون باسما في اشد الأوقات و إياك و العبوس في وجه زملائك.
5-صاحب ابوك و امك .
لأنك أنت المستفيد في الأول و الأخر و اسمع نصيحتهم و لا تتكبر عليها و كن مرح معهم و خفيف مع الالتزام بالأدب حتى يرضوا عنك فيرضى الله عنك.
6-عيش حياتك وسنك.
ديننا دين يسر لا عصر فبعض الشباب يظن ان التدين و الدين تكتيفة و خنقة و ده غلط جدا...
لازم ترفه عن نفسك و تمتعها و لكن دون المعصية و هديلكوا مثال:
النادي و السينما و الأفراح في نظر البعض حرام و لكن في رأيي أنت اللي بتحدد فلو كنت رايح النادي عشان تتفرج ع اللي رايح و اللي جاي يبقي حرام عليك و لكن و لو كنت نيتك تروح تشم هواء نظيف و ترفه عن نفسك فميش مشكلة و نفس الحكاية السينما و غيرها.
7-حافظ ع الصلاة و مارس الرياضة و بلاش سجاير.
فالصلاة تنهى عن الفحشاء و المنكر , و الرياضة تجعل جسمك موزمن وتحسن مظهرك, و السجاير بتدمر صحتك و مش روشنة و لا وجاهة......

و أخيرا أنا مستني ردودكم و ياريت تنقدوني و لو حد مش عاجبه حاجة من دي يقلي و لكن يكون النقد بناء....... __________________
__________________

شكرا جزاكى الله خير